Əli Əhmədov: Bu il imzalanan fərman və sərəncamlar nəticəsində sosial həyatın yaxşılaşması ölkədə gedən inkişafın çox gözəl göstəricisidir

0

Bu il imzalanan fərman və sərəncamlar nəticəsində sosial həyatın yaxşılaşması ölkədə gedən inkişafın çox gözəl göstəricisidir.

Bunu Baş nazirin müavini, Yeni Azərbaycan Partiyası Sədrinin müavini-İcra katibi Əli Əhmədov Dayanıqlı İnkişaf Məqsədləri (DİM) üzrə Milli Məlumatlandırma portalının təqdimat mərasimində deyib.

Ə.Əhmədov bildirib ki, digər sahələrdə əldə edilən nəticələr dayanıqlı inkişaf məqsədlərinə uyğunlaşdırılır:

“Bu gün iqtisadi, sosial inkişaf dərəcələri DİM-lərdən irəli gələn vəzifələrə uyğunlaşdırılıb. Biz növbəti illərdə də naliyyətləri bu vəzifələrə uyğunlaşdıracağıq”.

Baş nazirin müavini bildirib ki, bu gün bəşəriyyət kövrək dövrünü yaşamaqdadır. O qeyd edib ki, bir tərəfdə iqtisadi inkişaf, texnoloji tərəqqi, ziyalılar, zənginlər, digər tərəfdə isə çətin vəziyyətdə yaşayan insanlar var: “Dünyadakı mövcud vəziyyətin dəyişdirilməsi ilə bağlı BMT layihə həyata keçirir. Məqsəd ondan ibarətdir ki, dünya fəlakətlərdən xilas edilsin”.

Ə.Əhmədov qeyd edib ki, Azərbaycan bu istiqamətdə sosial fəaliyyəti layiqincə həyata keçirir: “Ölkə iqtisadiyyatı inkişaf edir. Azərbaycanda bu il əməkhaqqının artırılması ilə bağlı iki sərəncam imzalanıb. Bu, vətəndaşların sosial rifah halının yaxşılaşmasına xidmət edir”.

ŞƏRH ƏLAVƏ ET

Please enter your comment!
Please enter your name here

fifteen − 8 =