İmişli rayonunda "Konstitusiya və Suverenlik İli'' çərçivəsində rəsm sərgisi keçirilir.
İmişli rayonunda Diferensial Təhsil Tədris Mərkəzinin və “Mirvarid Dilbazi Poeziya Məclisi” İctimai Birliyinin birgə təşkilatçılığı ilə fevralın 9-dan bir həftəlik ''Konstitusiya və Suverenlik İli'' çərçivəsində rəsm sərgisi keçirilir. Bu gün sərgidə İmişli Rayon İcra Hakimiyyətinin başçısı Elçin Rzayev, YAP İmişli rayon təşkilatının sədri Səfa Ağayev, “Mirvarid Dilbazi Poeziya Məclisi” İctimai Birliyinin əməkdaşları və rayon ictimaiyyətinin nümayəndələri iştirak ediblər.
Diferensial Təhsil Tədris Mərkəzinin rəhbəri Elşən Şəmmədli rəssam Gülnarə Məmmədova ilə birlikdə "Zəfərimiz rənglər dünyasında" adlı rəsm sərgisinin əhəmiyyətindən danışıb, rəssam Gülnarə xanımla birgə qonaqları rəsm əsərləri ilə tanış edib.
Qeyd edəknki, rəssam Gülnarə Məmmədovanın rəsm sərgisi 14 fevral 2025-ci il tarixədək davam edəcək.
Seymur Şükürov İmişli
