Abşeron Rayon İcra Hakimiyyəti Yanında “Narkomanlığa və narkotik vasitələrin qanunsuz dövriyyəsinə qarşı mübarizə üzrə” rayon komissiyasının iclası keçirilib.
İclası giriş sözü ilə Abşeron Rayon İcra Hakimiyyəti başçısının müavini, ictimai-siyasi məsələlər şöbəsinin müdiri, Abşeron Rayon İcra Hakimiyyəti Yanında “Narkomanlığa və narkotik vasitələrin qanunsuz dövriyyəsinə qarşı mübarizə üzrə” rayon komissiyasının sədri Gülnar Rəhimova açaraq bəşəriyyəti narahat edən narkomaniya bəlasından böyüməkdə olan nəsili, gəncləri qorumaq üçün birgə mübarizə və qabaqlayıcı maarifləndirici tədbirlərin keçirilməsinin önəmindən söz açıb. Komisiya sədri bu cür həyatı əhəmiyyət kəsb edən məsələdə kamisiya üzvülərini birlikdə aktiv fəaliyyətə səsləyib.
İclasda MİRİİB sədri, Abşeron Rayon İcra Hakimiyyəti Yanında ictimai şuranın sədr müavini “Narkomanlığa və narkotik vasitələrin qanunsuz dövriyyəsinə qarşı mübarizə üzrə” rayon komissiyasının üzvü Zamin Zeynal geniş məzmunlu çıxışında qarşıdakı dövrdə kamisiya üzvülərinin narkomanlığa və narkotik vasitələrin qanunsuz dövriyyəsinə qarşı birgə mübarizə ilə bağlı davamlı maariflənfirmə işlərinin aparılmasının faydasından danışıb. Komisiya üzvü qeyd edib ki, narkomanlığa və narkotik vasitələrin qanunsuz dövriyyəsinə qarşı birgə mübarizədə, kibertalamlarlardan qorunmaqda, sosial şəbəkələrdən gənclərin doğru şəkildə istifadə etmələri üçün orta və ali məktəblərdə maarifləndirici görüşlərin keçirilməsi ilə yanaşı təhsil ocaqlarında valideyn və məktəb münasibətlərinin ictimai,mədəni əməkdaşlıq müstəvisində davam etdirilməsinin vacibliyini diqqətə çatdırıb.
Qeyd edək ki, komisiya üzvüləri bəşəriyyətin ümümi bəlasına çevrilən narkomaniya ilə mübarizə ilə bağlı qarşıda görüləcək birgə işlərlə bağlı bir sıra təkliflərlə çıxış ediblər.
