Tarix İnstitutundan Heydər Əliyev İnstitutunun yaradılması ideyasına DƏSTƏK

0

“Heydər Əliyev İnstitutunun yaradılması ideyası çox yaxşıdır. Belə bir institutun yaradılmasını mən də çox istəyirəm. Heydər  Əliyev irsi daha yaxşı öyrənilməlidir”.

Bu fikirləri Modern.az-a AMEA-nın Tarix İnstitunun direktor müavini Cəbi Bayramov  Azərbaycan Qaçqınlar Cəmiyyətinin sədri Əziz Ələkbərlinin Heydər Əliyev institutunun yaradılması ideyasına münasibət bildirərkən deyib.

O bildirib ki, Heydər Əliyev Azərbaycana uzun illər rəhbərlik edib və onun irsi tədqiq olunmalıdır:

“Heydər Əliyev tarixi şəxsiyyətdir. Tarixi şəxsiyyətin irsini gənclərə dərindən aşılamalıyıq. Çünki Heydər Əliyev Azərbaycana 57 il rəhbərlik edib. O dövrü tədqiq etmək üçün Heydər Əliyev İnstitutunun yaradılmasına ehtiyac var”.

Cəbi Bayramovun sözlərinə görə, Heydər Əliyevin irsi AMEA-da da öyrənilir:

“Düzdü, AMEA-nın Tarix institutu bu işi görür. 2011-ci ildən institutumuzda mərkəz fəaliyyət göstərir. Qısa müddət ərzində onun fəaliyyətini əks etdirən iki cildlik monoqrafiya nəşr edilib. Onun Azərbaycan elmi ilə bağlı göstərdiyi fəaliyyəti əks etdirən  iki cildlik sənədlər toplusu çap olunub”.

Qeyd edək ki, Azərbaycan Qaçqınlar Cəmiyyətinin sədri Əziz Ələkbərli Heydər Əliyev irsini və Azərbaycan dövlətçilik tarixini araşdırmaq üçün  Heydər Əliyev İnstitutunun yaradılması ideyası ilə çıxış edib.

ŞƏRH ƏLAVƏ ET

Please enter your comment!
Please enter your name here

seven + 12 =