Macarıstan Azərbaycan iqtisadiyyatına təxminən 2 milyard ABŞ dolları həcmində investisiya yatırıb.

Millixüber.az Teleqraf - a istinadən xəbər verir ki, bunu Macarıstanın Azərbaycandakı səfiri Tamaş Torma Macarıstanın Milli Günü münasibətilə Bakıda keçirilən rəsmi qəbulda bildirib.

Diplomat qeyd edib ki, Macarıstan Azərbaycanın ən mühüm investorlarından biridir:

“MOL və MVM şirkətləri ölkədəki əsas neft-kondensat və təbii qaz yataqlarında mülkiyyət payları əldə ediblər. İki ölkə arasında iqtisadi əməkdaşlıq bərpaolunan enerji, kənd təsərrüfatı, əczaçılıq və su təsərrüfatı sahələrini də əhatə edir”.

O bildirib ki, Azərbaycan və Macarıstan yaşıl enerji dəhlizi layihəsinin iştirakçılarıdır:

“MVM şirkəti isə “Şəfəq” Günəş Elektrik Stansiyasının səhmdarlarından biridir”.