Falçı əliylə evlənənlər,boşananlar hətta işə düzələnlər də olur. Cəmiyyətimizdə dələduz ekstrasenslərin toruna düşənlərin sayı kifayət qədərdir.

Ekstasenslərin, öncəgörənlərin əsaslandığı və elm adlandırdığı astrologiyadır ki, bunun da nə dini, nə də elmi əsası yoxdur. Çünki astrologiya əvvəlcədən yazılan taleyə, yəni alın yazısına əsaslanır, bu da İslama və xristianlığa tamamilə ziddir və hətta kafirlikdir…


-Bəli, kafirlikdir. Çünki İslamın və xristianlığın, ümumiyyətlə səmavi dinlərin 3 fundamental prinsipindən biri Qiyamət günü, cənnət və cəhənnəmlə bağlı inanclardır. Yəni sən bu dünyada etdiklərin üçün nə vaxtsa, hardasa cavab verməli olacaqsan. Doğrudur, bu fərziyyəni elmi cəhətdən izah etmək çətindir, amma əsas onun mənəvi tərəfidir. İslamın da, xristianlığın da əsas mənəvi dəyərləri - günah etməmək və qadağalara əməl etmək bu inanclara söykənir. Alın yazısı isə isə bütün bu inancların üstündən xətt çəkmək cəhdidir.
Bu yaxınlarda redaksiyamıza mürüciət edən bir xanım tanınmış ekstrasens Etibar Nəsiblinin yanında olduğunu və müxtəlif məsələlərin həllində ona kömək etməsini istəmişdir.
Xanımın dediyinə görə, elə qapıdaca ödəniş etmiş və bir neçə saat gözlədikdən sonra falçının qəbuluna düşmüşdür. Falçı ordan burdan suallar verdikdən sonra onun bəxtinin hər tərəfdən bağlandığı və həyatının qaranlıq olduğunu demişdir.Buna görə müəyyən məbləğin qarşılığında onun düyünlərini açacağını söz vermiş və beş dəqiqə "Quran"oxumuşdur.
Adının çəkilməsini istəməyən xanım qeyd edir ki,əslində elə bir ciddi problemim yoxdur,sadəcə bir iş barədə fikirlərini öyrənmək istəmişdir. Belə qənaətə gəlmək oar ki, bu kimi qadınlar falçıların toruna düşür və külli miqdarda pullar xərcləyir.
Məlum olduğu kimi, ekstasenslərin qəbuluna bir-iki gün əvvəl yazılırlar. Bu müddətdə də onların koməkçiləri, asisentləri müştəri haqqında müəyyən məlumatlar toplayır. İndiki internet və informasiya texnologiyaları dövründə bu, çətin məsələ deyil. Avropanın bütün ölkələrində, artıq Rusiyanın özündə də vətəndaşlar haqqında məlumat bazaları var. İnternetdə ad, familiyanı verməklə, müəyyən məlumatları almaq olar. Amma əsas bunlar da deyil, əsas müştərinin psixologiyasını bilmək, onun qəlbinə girməkdir. Yaxşı ekstasens yaxşı bilir ki, müştərinin cibinə aparan yol onun qəlbindən keçir.

Bütün dələduzların və onların arxasında duranların, fərqi yoxdur, istər yerli, istər də beynəlxalq miqyasda olsun, bir məqsədi var: insanları aldatmaq və çoxlu pul qazanmaq...Ümid edirik ki, bəzi cahil insanların hesabına varlanan bu kimi fırıldaqçıların qarşısının alınması üçün tədbirlər keçiriləcək.

Ülviyyə Alxasova