Nərgiz klinikasının təşkilatçılığı ilə Bakıda I Beynəlxalq Parazitologiya Konfransı keçirilib. Konfransda Parazitar xəstəliklərə qarşı mübarisə üsulları müzakirə olunub.

Konfransda panel müzakirədə Azərbaycan Fitoterapevtlər cəmiyyətin sədri, tibb elmləri doktoru, "Nərgiz" Klinkasının direktoru,Tərəqqi medallı Məlahət Qəhrəmanova çıxış edərək bildirib ki, son illər dünyada, eləcə də ölkəmizdə parazitar, infeksion xəstəliklərin törədicilərinə və vektorlarına qarşı mübarizə xeyli çətinləşib.
Azərbaycan Fitoterapevtlər cəmiyyətin sədri, tibb elmləri doktoru Məlahət Qəhrəmanova konfransla bağlı Jurnalistlərə açıqlamasında deyib ki, biz çalışırıq ki, parazitar xəstəlikləri hər tərəfli elmi praktik olaraq ölkəmizdə geniş şəkildə təbliğ və tətbiq edək.
Çünki uzun illərdir bu xəstəliklər haqqında informasiyalar az rast gəlinir. Amma ÜST-ün dediyinə görə bu gün dünyada bu xəstəlik çox yayqındır. Nəzərə alsaq ki, bu prosesdə miqrasiyaların rolu var. İnsanların daha çox qida rasionunda, gigiyenik qaydalarda hər birində bunun çox böyük rolu vəpnəmi var. Bu baxımdan hesab edirəm ki, Bakıda I Beynəlxalq Parazitologiya Konfransının keçirilməsi ictimai, tibbi əhəmiyyəti ilə seçilən təqdirəlayiq bir təşəbbüsdür.
Vəli Axundov adına Elmi-Tədqiqat Tibbi Profilaktika İnstitutu ilə birgə təşkil edilən konfransda çıxış edən natiqlər qeyd ediblər ki, mövcud vəziyyət xəstəliklərin diaqnostika, müalicə və profilaktikası üçün yeni multidisiplinar yanaşmalar tələb edir.
Konfransın əsas məqsədi müxtəlif ixtisaslardan olan həkimləri və digər mütəxəssisləri bir araya gətirərək, elmi təcrübə və yanaşmaların müzakirəsinə imkan yaratmaqdır.
Qeyd edək ki, elmi konfransda Millət vəkilləri, yerli və xarici mütəxəssislər fikir mübadiləsi aparıblar. İştirakçılar həkim mütəxəssislərin təcrübələrindən yararlanaraq klinik təcrübədə tətbiq edə biləcəkləri yeni metodlar öyrənənmək imkanı qazanıblar.