19 dekabr 2025-ci il tarixində Abşeron-Xızı Regional Təhsil İdarəsinin təşkilatçılığı ilə Xırdalan şəhər 11 nömrəli tam orta ümumtəhsil məktəbində valideyn konfransı keçirilib. Konfrans “Rəqəmsal təhlükəsizlik və valideyn məsuliyyəti” mövzusuna həsr olunub.

Tədbirdə Abşeron-Xızı Regional Təhsil İdarəsinin müdir müavini Aydın Rəhimov, Abşeron-Xızı rayonları üzrə təhsil sektorunun müdiri Sənan Xəlilov, Abşeron Rayon İcra Hakimiyyəti yanında İctimai Şuranın sədr müavini, “Müasir İnternet Resursları İnkişafı” İctimai Birliyinin sədri Zamin Zeynalov, regional təhsil idarəsinin əməkdaşları, məktəb direktorları, psixoloqlar və valideynlər iştirak ediblər.

Konfrans çərçivəsində uşaqların kiberzorakılığa məruz qalması, onlayn mühitdə mövcud risklər, valideyn nəzarətinin effektiv üsulları, valideyn–övlad münasibətlərində düzgün ünsiyyətin əhəmiyyəti, eləcə də rəqəmsal təhlükəsizliyin ailədən başlanmasının vacibliyi mövzularında müzakirələr aparılıb.
Tədbirin sonunda valideynlərin sualları cavablandırılıb, onların fikir və təklifləri dinlənilib.