Azərbaycan Basketbol Federasiyasının ötən mövsümün yekunlarına və 2026/2027-ci il mövsümünün başlanmasına həsr olunmuş tədbiri keçirilib.

Tədbirdə qonaq qismində iştirak edən Milli Məclisin deputatı Tahir Mirkişili Azərbaycan Basketbol Liqasında yeni mövsümdə mübarizə aparacaq komandalar, o cümlədən ilk dəfə liqada təmsil olunacaq “Sumqayıt Basketbol Klubu” barədə fikirlərini bölüşüb.
Deputat bildirib ki, 2026/2027-ci il mövsümündə Azərbaycan Basketbol Liqasında mübarizə aparacaq 8 komandadan biri ilk dəfə olaraq “Sumqayıt Basketbol Klubu” olacaq.
“Sumqayıt şəhəri ölkəmiz üçün xeyli sayda idmançı yetişdirib. Əminəm ki, bu sahədə də uğurlar əldə ediləcəkdir”, – deyə Tahir Mirkişili qeyd edib.
O, yeni mövsümdə “Sumqayıt Basketbol Klubu”na uğurlar arzulayıb və komandanın şəhərin idman ənənələrinin davam etdirilməsinə töhfə verəcəyinə əminliyini ifadə edib.

Millixeber.az