Kəlağayı festivalında ölkəmizin tanınmış ziyalıları, İctimai-siyasi fəal insanlar, elm-təhsil, mədəniyət işçiləri fəal iştirak edirdi.
Festivalla bağlı Abşeron Rayon Perekeşkül Qəsəbə Tam Orta Məktəbinin direktoru Turə Qasımova öz təsuratlarını Millixəbər. az-ın izləyiciləri ilə bölüşdü. Turə Qasımova qürurla bildirdi ki, ölkəmiz bir çox tədbirlərə uğurla ev sahibliyi edir.
Bu cür ictimai, mədəni əhəmiyyətli tədbirlər sırasında bu gün Bakı şəhərində keçirilən Kəlağayı festivalında sərgilənən əl işləri, Sevinc xanımın rəhbərliyi altında qədimliyi və gözəlliyi ilə seçilən Banu sənəti nümunələri hər kəsi valeh edirdi.Bir sözlə, milli mənəvi dəyərlərin qorunması və gələcək nəsillərə ötürülməsi baxımından belə festivalların davamlılığı olduqca vacibdir. Direktor bu sayaq mədəni kütləvi təşəbbüsləri azərbaycan ziyalısı olaraq dəstəklədiyini bildirdi. Onu da xüsusi olaraq vurğuladı ki, Azərbaycan xalqı tarixi mədəniyyət nümunələri ilə zəngin olan xalqdır.Burada sərgilənən bütün əl işləri, toxuculuq nümunələri ayrı-ayrılıqda gözəlliyi ilə diqqət çəkən rəngarəng incəsənət nümunələridir. Bir daha Ölkəmizdə Kəlağayı festivalını yüksək səviyyədə təşkil edənlərə dərin təşəkkürünü bildirdi.
