Yaxın vaxtlarda Rusiya prezidenti Vladimir Putinlə danışmağı planlaşdırıram, amm onu da etiraf edim ki, Ukraynada müharibəni dayandırmaq asan olmayacaq.

Ölkə.az xəbər verir ki, bunu ABŞ prezidenti Donald Tramp Ağ Evdə dünyanın ən böyük İT şirkətlərinin rəhbərləri ilə şam yeməyi zamanı deyib.

Reklamınızı SmartBee ilə effektiv edin.
Tramp bildirib ki, Ukraynada müharibəyə son vermək məqsədi ilə yaxın vaxtlarda Putinlə telefon əlaqəsi saxlamaq niyyətindədir.
"Yeddi müharibəni həll etmişəm. Ən asanlardan biri olacağını düşündüyüm... Bu hissi bilirsiniz: Bir şeyin daha asan olacağını düşünürsən və bir az daha çətin olur", - Tramp qeyd edib.
Putinlə danışıqların onun gözlədiyindən də çətin keçdiyini etiraf edən Tramp əlavə edərək deyib:
"Mən düşünürdüm ki, daha asan olacaq... Prezident Putinlə münasibətimə görə. Amma bu iş daha çətin oldu. Onsuz da bunu edəcəyik. Razılaşmaya nail olacağıq".
Rusiya-Ukrayna müharibəsini fəlakət adlandıran Tramp bildirib ki, burada həftədə 7000-dən çox adam ölür.
Tramp bundan öncə Avropa ölkələrini Rusiya neftini almağı dayandırmağa və münaqişənin sona çatmasını sürətləndirmək üçün Çinə iqtisadi təzyiq göstərməyə çağırıb.