Yeni Azərbaycan Partiyası Sumqayıt şəhər təşkilatının təsis olunmasının 33-cü ildönümünə həsr olunmuş tədbir keçirilib

Tədbirdə Ulu Öndər Heydər Əliyevin əziz xatirəsi dərin ehtiramla yad olundu, partiyanın keçdiyi şərəfli yol, dövlətçiliyin möhkəmlənməsində və müasir Azərbaycanın inkişafında oynadığı mühüm rol xüsusi vurğulanıb.

Çıxışlarda qeyd olunub ki, Prezident İlham Əliyevin rəhbərliyi ilə həyata keçirilən siyasət nəticəsində ölkəmiz yeni inkişaf mərhələsinə qədəm qoyub, siyasi sabitlik və davamlı tərəqqi təmin edilib.

Millət vəkili Tahir Mirkişili çıxışında onu da qeyd edib ki, Yeni Azərbaycan Partiyası bu gün də milli maraqlara sadiq qalaraq, dövlətimizin güclənməsinə, cəmiyyətimizin rifahına və gələcək nəsillərin inkişafına xidmət edən əsas siyasi qüvvə kimi fəaliyyətini uğurla davam etdirir.

Millət vəkili Sumqayıt şəhərində olan bütün siyasi həmfikirlərini bu əlamətdar tarix münasibətilə təbrik edib, fəaliyyətlərində uğurlar arzulayıb.