Tahir Mirkişili Sumqayıt şəhərində vətəndaşlarla növbəti qəbul keçirib. Görüş zamanı sakinlərin müraciətləri, təklif və problemləri dinlənilib, onları narahat edən məsələlərin həlli istiqamətində fikir mübadiləsi aparılıb.

Millət vəkili vətəndaşların qaldırdıqları sosial və digər aktual məsələlərlə bağlı aidiyyəti qurumlarla əməkdaşlıq çərçivəsində görülə biləcək tədbirlər barədə məlumat verib. Müraciətlərin bir qismi yerində araşdırılıb, digər məsələlərin həlli üçün isə müvafiq addımların atılacağı bildirilib.
Görüşdə iştirak edən vətəndaşlar onları maraqlandıran məsələlərin diqqətlə dinlənilməsinə görə təşəkkür edib, qarşılıqlı dialoqun əhəmiyyətini vurğulayıblar.
Qeyd edək ki, vətəndaşlarla mütəmadi görüşlərin keçirilməsi mövcud problemlərin öyrənilməsi və onların həlli istiqamətində operativ tədbirlərin görülməsinə xidmət edir.