Bu gün Azərbaycanda Milli Mətbuat Günü qeyd edilir. Milli mətbuatımızın təməli 1875-ci il iyulun 22-də görkəmli maarifçi Həsən bəy Zərdabinin nəşr etdirdiyi "Əkinçi" qəzeti ilə qoyulub. Bu əlamətdar tarix artıq 151 ildir ki, ölkəmizdə milli jurnalistikanın yaranma günü kimi qeyd olunur.

"Əkinçi" qəzeti cəmi 56 nömrə işıq üzü görsə də, xalqın maariflənməsində, milli şüurun formalaşmasında, ictimai fikrin inkişafında və Azərbaycan mətbuatının təşəkkülündə müstəsna rol oynayıb. Həsən bəy Zərdabinin başladığı maarifçilik missiyası sonrakı dövrlərdə milli mətbuatın inkişafına güclü təkan verib və Azərbaycan jurnalistikasının əsas istiqamətlərini müəyyənləşdirib.
Müstəqillik illərində Ümummilli Lider Heydər Əliyevin rəhbərliyi ilə həyata keçirilən media islahatları, xüsusilə 1998-ci ildə senzuranın ləğv edilməsi ölkədə söz və mətbuat azadlığının təmin olunmasında mühüm mərhələ olub. Prezident İlham Əliyevin rəhbərliyi ilə bu siyasət uğurla davam etdirilir, media sahəsinin inkişafı, jurnalistlərin sosial rifahının yaxşılaşdırılması, rəqəmsal transformasiya və informasiya təhlükəsizliyinin gücləndirilməsi istiqamətində ardıcıl tədbirlər həyata keçirilir.
Bu gün Azərbaycan mediası müasir informasiya məkanında operativlik, peşəkarlıq və obyektivlik prinsiplərini əsas tutaraq cəmiyyətin düzgün məlumatlandırılması, milli maraqların qorunması və dövlətçilik dəyərlərinin təbliği istiqamətində mühüm fəaliyyət göstərir.
Milli Mətbuat Günü münasibətilə ölkəmizin bütün jurnalistlərini, media nümayəndələrini və bu sahədə çalışan hər kəsi ürəkdən təbrik edir, onlara möhkəm cansağlığı, yaradıcılıq uğurları, tükənməz enerji və peşə fəaliyyətlərində yeni nailiyyətlər arzulayırıq.

Tahir Mirkişili,
Millət vəkili, Milli Məclisin İqtisadi siyasət, sənaye və sahibkarlıq komitəsinin üzvü