Nüfuzlu "The Economist" jurnalı dünya ölkələri arasında Rusiyaya geopolitik yaxınlıq reytinqini hazırlayıb.

Musavat.com xəbər verir ki, həmin reytinq cədvəlində Azərbaycan ilk onluqda ümumiyyətlə, yer almır. Yəni, Azərbaycan dünyada Rusiyaya geopolitik yaxınlığı olan ölkə kimi xarakterizə edilmir.

Ancaq Ermənistan haqqında eyni fikirləri söyləmək mümkün deyil. Belə ki, "The Economist" jurnalı Ermənistanı Belarusdan sonra Rusiyaya geopolitik yaxınlığı ən yüksək olan ölkə olaraq təqdim edir. Halbuki, Paşinyan hakimiyyəti son bir neçə il ərzində Rusiyadan qaçıb, Qərbə yaxınlaşma siyasəti yürüdür.
Görünür, Ermənistanın ikibaşlı oyunları artıq işə yaramır. Müasir dövrdə beynəlxalq ictimaiyyəti aldatmaq artıq əvvəlki kimi asan deyil. Və rəsmi İrəvanın Qərbpərəst siyasi manipulyasiyaları ifşa olunmaqda davam edir.