ÖZƏL GÜNÜN MÜBARƏK, NƏRGİZ XANIM!

İş sferasında, işlədiyi əmək kollektivində və ümumən cəmiyyət arasında tanınan və sevilən bir həmkarımızın- Şərqi Zəngəzur Regional Təhsil İdarəsinin Laçın rayon sektoru üzrə 12 saylı tam orta ümumtəhsil məktəbinin direktoru Nərgiz xanım Hüseynovanın özəl günüdür.
Təbrik ünvanlayarkən Nərgiz xanımın mətbuatda və sosial şəbəkədə təhsilimizin inkişafi, onun yeniləşməsi, gələcək prespektivləri barədə maraqlı düşüncələri, ailə dəyərləri barədə fikirləri beynimdə dolandı. Azərbaycan qadını, cəmiyyətdə onun fəal mövqeyi, qadınlara göstərilən hörmət və diqqət barədə fikirləri bir ziyalı, bir ana, bir Azərbaycan xanımının ən ali düşüncələridir.
Nərgiz Hüseynova yaxşı məktəb direktoru, istedadlı pedaqoq olduğu kimi, həm də ictimai fəal bir Azərbaycan xanımıdır. Həmişə Azərbaycan qadınlarının aktual probləri, onların aradan qaldırılması yolları barədə təklif və mülahizələri dərin hörmətlə qarşılanır.
Yeni Azərbaycan Partiyasının Laçın rayon təşkilatının 49 saylı ƏPT-nın sədri kimi də onun uğurlu fəaliyyəti təqdir olunur. İstər ictimai-siyasi, istərsə də pedaqoji fəaliyyətində Nərgiz xanım həmişə dövlətimizə, onun uğurlu siyasətinə dəstəkçi olub və zaman-zaman da bu öz dəyərini alıb.
Nərgiz xanımı dünyaya gəliş günü münasibətilə təbrik edib, ona pedaqoji və ictimai-siyasi fəaliyyətində uğurlar arzulayıram. Yeni yaşı çox mübarək!

Dərin hörmətlə:
Səxavət TAĞLAR,
Əməkdar müəllim, Prezident mükafatçısı