Hindistan Pakistanın ölkədəki səfirliyinin əməkdaşını rəsmi statusuna uyğun gəlməyən fəaliyyətinə görə arzuolunmaz şəxs (persona non-qrata) elan edib.

millixeber.az xəbər verir ki, bu barədə Hindistan Xarici İşlər Nazirliyinin yaydığı məlumatda deyilir.

Sözügedən məmurun vəzifəsi açıqlanmır. Ona 24 saat ərzində Hindistan ərazisini tərk etmək göstərişi verilib.

Bildirilir ki, Pakistan səfirliyinin müvəqqəti işlər vəkilinə bu gün müvafiq demarş elan edilib.