Hadisə Bakı–Qazax magistral yolunun Yevlax rayon Duzdağ qəsəbəsi ərazisindən keçən hissəsində qeydə alınıb.

1985-ci il təvəllüdlü Ramin Qarayevin idarə etdiyi avtobusla 1974-cü il təvəllüdlü Söhrab Süleymanovun idarə etdiyi "Niva" markalı minik maşını toqquşub. Hadisə nəticəsində yaralananlar Yevlax rayon mərkəzi xəstəxanasına çatdırılıb.
Xəstəxananın İctimaiyyətlə Əlaqələr Şöbəsinin müdiri Elçin Baxşalızadə bildirib ki, 15.05.2025-ci il tarixində saat 13:50 radələrində 5 nəfər (4 qadın cinsli, 1 kişi cinsli) Yevlax Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Müxtəlif bədən xəsarətləri alan şəxslərin müayinələri davam etdirilir. Hazırda 1 nəfərin vəziyyəti orta ağır, 4 nəfərin vəziyyəti isə stabildir.