Azərbaycan-Rusiya münasibətlərində gərginliyin artırması
regionda daha böyük maraqların toqquşmasına səbəb ola biləcək.

Yaxın tarixə nəzər salsaq görərik ki, Rusiyada 2001-ci ildə Yekaterinburqdakı “Xəzər” kafesində baş vermiş qətl hadisəsi ilə bağlı saxlanılan və etnik azərbaycanlı olduqları bildirilən iki nəfərin ölümündən sonra Rusiya–Azərbaycan münasibətlərində gərginlik daha da dərinləşib.

Həmin dövrdə Rusiya mediası hadisəni ürək problemi ilə əlaqələndirsə də, Azərbaycan KİV-ləri həlak olanların qohumlarına istinadla onların işgəncəyə və zorakılığa məruz qaldığını yazırdı.Hadisədən zərər görmüş soydaşlarımızın qohumları bildirirdilər ki, saxlanılan şəxslər döyülüb, kafeləri dağıdılıb və zorla kabab bişirməyə belə məcbur ediliblər.
Son günlərdə Rusiyanın Yekaterinburq şəhərində OMON xüsusi təyinatlı dəstəsi Rusiyanın Yekaterenburq şəhərində Ziyəddin və Hüseyn Səfərovların evinə basqın etməsi nəticəsində Ziyəddin və Hüseyn Səfərovlar, eləcə də onların əmisi oğulları Kamal Qədiməli oğlu Səfərov öldürülüblər.
Bu cür kriminal hadisələr, təxribata meyilli hərəkətlərin getdikcə dərinləşməsi onu göstərir ki, Azərbaycan-Rusiya münasibətlərində gərginliyi artırmaqdan və qarşılıqlı inamsızlığı dərinləşdirməkdən başqa heç bir nəticə verməyəcək. Bu gərginlik isə gələcəkdə regionda daha böyük maraqların toqquşmasına səbəb ola biləcək.

Bu gün iftixarla deyə bilərik ki, Azərbaycan öz ərazi bütövlüyünü tam şəkildə təmin edib, öz hərbi təhlükəsizlik məsələlərini böyük ölçüdə həll edib. Azərbaycan ərazisində hər hansı bir xarici ölkənin, o cümlədən Rusiyanın hərbi bazaları mövcud deyil. Azərbaycan özünün enerji təhlükəsizliyini də təmin edib. Dünya bazarlarına enerji nəqli ilə bağlı boru kəmərlərini də Rusiyadan yan keçməklə inşa etməyə nail olub. Yəni bundan sonra Rusiyanın Azərbaycana reallıqda təzyiq göstərməsi üçün elə bir ciddi təzyiq mexanizmi mövcud deyil. Zaman-zaman Rusiya Azərbaycan ərazisindən istifadə etməklə Şimal-Cənub dəhlizinin yaradılmasına cəhd edib. Azərbaycanla ticarət Rusiya üçün kifayət qədər ciddi önəm daşıyır. Çünki Azərbaycan kənd təsərrüfatı məhsulları Rusiya bazarları üçün önəmli bir faktordur. Bütün bunları nəzərə alanda Rusiya Azərbaycanla münasibətlərə daha ehtiyatlı və daha həssas yanaşmağa məcburdur. Ancaq Rusiyanın imperialist bir dövlət olması Kremlə bu məsələdə çox ciddi əngəllər yaradır. Rusiya əgər öz gələcək taleyində inkişaf və müasir dövrə uyğunlaşmaq, müasir dövrə dövrün tələbləri ilə ayaqlaşmaq kimi bir niyyəti varsa, öz imperialist siyasi ideoloji xəttindən də uzaqlaşmaq məcburiyyətində olmalıdır".

Bir daha son günlərdə baş verən xoşagəlməz, insanlığa sığmayan hadidisələrə diqqət yetirdikdə açıq-aydın şəkildə görürük ki, Rusiyada miqrantlara və qeyri-ruslara münasibətdə dövlət səviyyəsində qəbul edilən qərarlar adı çəkilən ölkədə nəinki aşağı, həm də rəsmi səviyyədə diskriminasiyanın artdığını, bunun az qala faşizm səviyyəsini yüksəldiyini göstərir.

Rusiya prezidenti Azərbaycana qarşı dostluq münasibətlərini zədələyən bu cür təxribatların qarşısını almalı, həmin təxribatları törədənlərin və təşkilatçıların müəyyən olunub cəzalandırılmasını təmin etməlidir.

Zamin Zeynal,
"Müasir İnternet Resurslarının İnkişafı" İctimai Birliyinin sədri