Prezident cənab İlham Əliyevin sədrliyi ilə keçirilən “Azərbaycanın yeni rəqəmsal arxitekturası” üzrə müşavirə göstərdi ki, ölkə rəqəmsal transformasiyanı artıq ayrı-ayrı layihələr kimi yox, vahid dövlət strategiyası kimi həyata keçirmək mərhələsinə keçir.

Millət vəkili Tahir Mirkişili Millixəbər.az- a bildirib ki, bu görüşdə bir neçə çox vacib mesaj açıq şəkildə ortaya qoyuldu:

✅ Vahid idarəetmə və koordinasiya – rəqəmsallaşma pərakəndə deyil, vahid mərkəzdən idarə olunmalıdır.
✅ AI və data mərkəzləri – süni intellektin tətbiqi və böyük data mərkəzlərinin qurulması Azərbaycanın yeni iqtisadi imkanlarından birinə çevrilir.
✅ Dövlət xidmətləri “bir ünvanda” – vətəndaşın ehtiyacı olan xidmətlər daha sürətli, daha rahat, daha şəffaf şəkildə vahid platformalarda təqdim edilməlidir.
✅ Kibertəhlükəsizlik prioritetdir – dövlət sistemlərinin dayanıqlığı və milli təhlükəsizlik üçün bu sahədə institusional güclənmə əsas şərtdir.
✅ Hər qurumda məsuliyyət – rəqəmsallaşma, AI və kibertəhlükəsizlik üzrə hər dövlət qurumunda konkret məsul rəhbərlik səviyyəsi müəyyən olunmalıdır.

Bu, əslində Azərbaycanın gələcək inkişaf modelinin əsas xəttidir: rəqəmsal dövlət + rəqəmsal iqtisadiyyat + güclü kiberdayanıqlıq.

Məqsəd aydındır: daha çevik dövlət idarəçiliyi, daha yüksək xidmət keyfiyyəti, daha rəqabətli iqtisadiyyat və daha güclü beynəlxalq mövqeyə nail olmaqla ölkəmizin dünyada rəqabət qabiliyyətini yüksəltməkdir.

Əminəm ki, yüksək koordinasiya ilə bu məqsədlərə çatacağıq deyərək Millət vəkili fikrlərinə əlavə edib.