Prezident İlham Əliyev:
Azərbaycanın hədəflərindən biri də regional süni zəka qovşağına, IT mərkəzinə çevrilməkdir


Azərbaycan Respublikasının Prezidenti İlham Əliyev yanvarın 5-də yerli televiziya kanallarına müsahibə verib.

Prezident İlham Əliyev müsahibəsində regional süni zəkanın inkişafına diqqət çəkərək qeyd edir: Azərbaycanın hədəflərindən biri də regional süni zəka qovşağına, IT mərkəzinə çevrilməkdir və hesab edirəm ki, bizim buna nail olmaq üçün potensialımız var. Biz indi tərəfdaşlarımızla məlumat mərkəzlərinin yaradılması üzərində çalışırıq. Bildiyiniz kimi, məlumat mərkəzlərinin çoxlu elektrik enerjisinə ehtiyacı var. Bu gün daha geniş regionda elektrik enerjisi üzrə əlavə imkanı olan yeganə ölkə Azərbaycandır. Beləliklə bu gün daxili məqsədlər üçün istifadə etmədiyimiz ixrac və ya burada istehlak oluna bilən əlavə 2000 meqavat və ya 2 giqavat həcm varımızdır.
Kibertəhlükəsizlik mərkəzinin yaradılması, mütəxəssislərimizin təlimi ilə bağlı planlarımız və artıq icra olunmuş layihələrimiz var - biz bir çox mütəxəssislərimizi xaricə təlimlərə göndəririk və eyni zamanda, Azərbaycanda təlimlər təşkil edirik - hədəfimiz, bağlılıqla yanaşı, süni zəka və IT üçün bir haba çevrilməkdir. Potensial mövcuddur. Güclü siyasi iradə mövcuddur. 

Nəzərə alsaq ki, Müasir dövrdə süni intellekt texnologiyaları dünyanın inkişafında mühüm rol oynayır. İqtisadiyyatın, təhsilin, səhiyyənin və dövlət idarəçiliyinin səmərəliliyinin artırılmasında bu texnologiyaların əhəmiyyəti gündən-günə artır. Azərbaycan Respublikasının Prezidenti İlham Əliyev də süni intellekt və ümumilikdə rəqəmsal texnologiyaların inkişafını ölkənin gələcəyi üçün vacib istiqamət kimi dəyərləndirir.
Prezident İlham Əliyevin rəhbərliyi ilə ölkədə rəqəmsal inkişaf strategiyası formalaşdırılmış, innovasiyalara əsaslanan iqtisadiyyatın qurulması qarşıya əsas məqsəd kimi qoyulmuşdur. Elektron hökumət sisteminin yaradılması, rəqəmsal dövlət xidmətlərinin genişləndirilməsi və müasir texnologiyaların idarəetmədə tətbiqi bu siyasətin bariz nümunəsidir. Süni intellekt texnologiyaları isə bu proseslərin daha sürətli və effektiv həyata keçirilməsinə imkan yaradır.
Dövlət başçısı gənclərin informasiya texnologiyaları sahəsində bilik və bacarıqlarının artırılmasına xüsusi diqqət yetirir. Bu məqsədlə texniki təhsil müəssisələrinin inkişafı, innovasiya mərkəzlərinin yaradılması və startapların dəstəklənməsi həyata keçirilir. Süni intellekt sahəsində ixtisaslaşmış kadrların hazırlanması Azərbaycanın gələcək inkişafı üçün mühüm əhəmiyyət daşıyır.
Nəticə etibarilə, Prezident İlham Əliyevin süni intellekt texnologiyalarına göstərdiyi diqqət və qayğı Azərbaycanın müasir, rəqabətqabiliyyətli və innovativ dövlətə çevrilməsinə xidmət edir. Bu siyasət ölkənin beynəlxalq aləmdə mövqeyini möhkəmləndirir və gənc nəslin biliklərə əsaslanan cəmiyyət quruculuğunda fəal iştirakına şərait yaradır.

Zamin Zeynal
"Müasir İnternet Resurslarının İnkişafı" İctimai Birliyinin sədri