"River Pleyt" klubu öz rəsmi saytında Franko Mastantuononun "Real Madrid"ə keçidini açıqlayıb.

[b]Millixəbər[/b].az bildirir ki, bu barədə Argentina klubunun Mətbuat Xidməti yazıb.

Qeyd olunub ki, kral klubu "yeni Messi" adlandırılan 17 yaşlı futbolçunu Argentina klubu ilə müqavilə müddəti bitmədən satın alıb.

İyulun 13-də başa çatacaq klublararası dünya çempionatından sonra futbolçu İspaniya klubuna keçəcək. Transfer qiyməti 63,2 milyon avro təşkil edib. Onunla müqavilə 6 illik müddətə bağlanıb.

Xatırladaq ki, Mastantuono "River Pleyt"də 61 oyun keçirib, 10 qol vurub və 7 məhsuldar ötürmə edib.