Bu gün parlament seçkilərində dəyərli vəkilimiz olmuş, Sumqayıt şəhəri Ağsaqqallar Şurasının sədri Təbrik Quliyevin 80 illik yubileyidir. Bu münasibətlə onu ürəkdən təbrik edirik!



Millixəbər.az Millət vəkili Tahir Mirkişilinin Sumqayıt şəhəri Ağsaqqallar Şurasının sədri Təbrik Quliyevin 80 illik yubleyi münasibəti ilə yazdığı təbriki olduğu kimi təqdim edir.

Hörmətli Təbrik müəllim!

Sizi 80 illik yubileyiniz münasibətilə ürəkdən təbrik edirəm. Sizin keçdiyiniz həyat yolu zəhmətin, biliyin və Vətənə sədaqətin gözəl nümunəsidir. Uzun illər mühəndis, alim və ictimai xadim kimi gördüyünüz işlər ölkəmizin inkişafına, cəmiyyətimizin irəliləməsinə dəyərli töhfələr verib.

Bu gün də Sumqayıt Şəhər Ağsaqqallar Şurasının sədri kimi öz müdrikliyiniz, zəngin təcrübəniz və prinsipial mövqeyinizlə gənc nəslə yol göstərir, milli-mənəvi dəyərlərimizin qorunmasına xidmət edirsiniz. Cəmiyyətdə qazandığınız hörmət və nüfuz Sizin mənalı və şərəfli ömrünüzün ən gözəl nəticəsidir.

Bu əlamətdar gün münasibətilə Sizə möhkəm cansağlığı, uzun ömür, ailə səadəti və hər zaman sevgi və hörmət içində olmağı arzulayıram!