Millət vəkili Soltan Məmmədov Şağan qəsəbəsində Vətən müharibəsi şəhidi, baş leytenant Ceyhun Nəhmətovun ailəsini ziyarət edib.

Görüş zamanı şəhid ailəsinin qayğıları ilə yaxından maraqlanan millət vəkili onların müraciətlərini dinləyib və qaldırılan məsələlərin həlli istiqamətində müvafiq dəstəyin göstəriləcəyini bildirib.

Soltan Məmmədov qeyd edib ki, Azərbaycanın ərazi bütövlüyü və suverenliyi uğrunda canından keçən şəhidlərin əziz xatirəsinin hər zaman uca tutulması, onların ailələrinin sosial və mənəvi qayğılarının diqqətdə saxlanılması dövlət siyasətinin mühüm istiqamətlərindən biridir.

Millət vəkili vurğulayıb ki, şəhidlərimizin Vətən qarşısında göstərdiyi misilsiz qəhrəmanlıq xalqımızın yaddaşında əbədi yaşayacaq.

“Allah bütün şəhidlərimizə rəhmət eləsin!” – deyə Soltan Məmmədov bildirib.