Antalyada silahlı insident zamanı 2 polis əməkdaşı yaralanıb.

Türkiyə mətbuatı xəbər verir ki, Antalyanın Manavqat rayonunda xidmət aparan yol polis əməkdaşları şübhəli gördükləri bir avtomobili dayandırmaq istəyib. Bu zaman polisin “saxla” əmrinə tabe olmayan şəxslər polis əməkdaşlarına odlu silahdan atəş açıb.

Atışma nəticəsində iki polis əməkdaşı yaralanıb. Şübhəli şəxslərdən bir nəfər silahlı insident zamanı ölüb, üç nəfər isə saxlanılaraq şöbəyə gətirilib.
Araşdırma aparılır.