10 avqust tarixində Belçika-Niderland Azərbaycanlılarının Koordinasiya Şurasının və Benilüks Azərbaycanlıları Konqresi/Benelux Azerbaijanis Congress nin (BAK) İdarə Heyətinin üzvləri Diasporla İş üzrə Dövlət Komitəsinin sədri Fuad Muradov və Komitənin Avropa üzrə şöbə müdiri Leyla Həmzəyeva ilə görüş keçiriblər.

Millixeber.az xəbər verir ki, görüşdə Koordinasiya Şurasının Niderland üzrə əlaqələndiricisi və BAK-ın sədri Elsevər Məmmədov, BAK-ın sədr müavini Rasim Hüseynov, baş məsləhətçi Lamiyə Babayeva və BAK-ın Azərbaycan üzrə koordinatoru Məcid Məmmədov iştirak ediblər.

Görüş zamanı Niderlandda yaşayan azərbaycanlıların diaspor fəaliyyətinin daha da gücləndirilməsi, Azərbaycan diaspor təşkilatları arasında əməkdaşlığın genişləndirilməsi və qarşılıqlı əlaqələrin daha da inkişaf etdirilməsi məsələləri müzakirə olunub.
Eyni zamanda, Koordinasiya Şurasının ın Niderlandda həyata keçirdiyi layihələr və qarşıdakı dövr üçün nəzərdə tutulan tədbirlər barədə geniş fikir mübadiləsi aparılıb.

Görüşdə Azərbaycan həqiqətlərinin, milli-mənəvi dəyərlərimizin və ölkəmizin zəngin mədəniyyətinin Avropada daha geniş təbliğ olunması, gənclərin diaspor fəaliyyətinə fəal şəkildə cəlb edilməsi, eləcə də Azərbaycan diaspor təşkilatları arasında həmrəyliyin və birgə fəaliyyətin gücləndirilməsinin vacibliyi vurğulanıb.

Həmçinin Niderlandda yaşayan azərbaycanlıların qarşılaşdığı məsələlər, diaspor təşkilatlarının fəaliyyətinin daha da səmərəli qurulması və gələcəkdə həyata keçiriləcək layihələr ətrafında geniş müzakirələr aparılıb.

Görüş səmimi və konstruktiv şəraitdə keçib.