Möhtərəm cənab Prezident, Müzəffər Ali Baş Komandan,

Zəfər Tarixi yazan Lider İlham Heydər oğlu Əliyev!

Sizi doğum gününüz münasibətilə təbrik edirəm!

Şəxsən öz adımdan, ailə üzvlərim və idman ictimaiyyəti adından müstəqil Azərbaycanın tarixində ilk dəfə ölkənin beynəlxalq səviyyədə tanınmış, tam bərpa edilmiş, ərazi bütövlüyü və suverenliyi çərçivəsində keçirilən idman oyunlarına görə təşəkkür edirəm!

Möhtərəm cənab Prezident,
Azərbaycan Respublikası bu gün öz tarixinin çox şərəfli, böyük irəliləyişlər, inkişaf və tərəqqi dövrünü yaşamaqdadır. Ulu öndərin milli maraqlara əsaslanmaqla həyata keçirdiyi çoxşaxəli siyasət strategiyası bu gün onun layiqli varisi - Azərbaycan Prezidenti İlham Əliyev Siz tərəfdən inamla davam etdirilir. Təbii ki, idman da diqqət və qayğıdan kənarda deyil. Bu qayğı və şəxsən Sizin diqqətiniz biz idmançıları yeni qələbələrə səsləyir.

Möhtərəm cənab Prezident, Sizin rəhbərliyiniz ilə 1997-ci ildən həyata keçirilən tədbirlər qısa zaman kəsiyində öz bəhrəsini verməyə başladı. İdmançılara dövlət qayğısı ilə yanaşı, idmanın maddi-texniki bazasının möhkəmləndirilməsi istiqamətində mühüm işlərə start verildi. 2000-ci ildən etibarən Azərbaycanın müxtəlif bölgələrində 50-yə yaxın müasir tipli Olimpiya İdman Kompleksləri tikilib istifadəyə verilməyə başladı.

Möhtərəm cənab Prezident, onu da qeyd etmək istəyirik ki, bu gün Sizin bədən tərbiyəsi və idmana göstərdiyinz diqqət və qayğı nəticəsində ölkədə idman böyük sürətlə kütləviləşir. Bu, da gənclərimizi daha böyük qələbələrə ruhlandırır. İdmançılara qayğı və diqqətin artırılması işi dövlət səviyyəsində davam etdirilir. Şübhə yoxdur ki, bütün sahələrdə olduğu kimi, idman və Olimpiya hərəkatı sahəsində də Sizin iradəniz və diqqətiniz respublikamıza yeni-yeni uğurlar gətirəcək.
İdman tarixi uğurlarla dolu olan ölkəmiz artıq dünyada idman ölkəsi kimi tanınır. Dünya idman arenasında öz layiqli yerini tutan Azərbaycan bir çox beynəlxalq yarışların ev sahibi olub. Ölkəmizdə keçirilən bu yarışlar artıq bir növ adət halını alıb. Hər il ölkəmizdə bədii gimnastika, taekvando, güləş, boks, karate, futbol və s. idman növləri üzrə dünya və qitə çempionatları, Olimpiya oyunlarının lisenziya turnirləri keçirilir. Ümumilikdə son 10 ildə Azərbaycanda 300-dən çox beynəlxalq yarış keçirilib. 

Möhtərəm cənab Prezident, dekabrın 25-də Milli Olimpiya Komitəsində 2019-cu ilin idman yekunlarına həsr olunan mərasimdə Siz çıxışınızda demişdiniz: «Bu gün Azərbaycan dünyada idman ölkəsi kimi tanınır. Bizim idman nəticələrimiz, uğurlarımız, qələbələrimiz, eyni zamanda, idmana dövlət tərəfindən göstərilən dəstək, dövlət proqramlarının icrası, əlbəttə ki, beynəlxalq idman qurumları tərəfindən də yüksək qiymətləndirilir. Təsadüfi deyil ki, Beynəlxalq Olimpiya Komitəsi, Avropa Olimpiya Komitəsi, beynəlxalq federasiyalar bizim fəaliyyətimizə çox yüksək qiymət verirlər”.

Möhtərəm cənab Prezident, “Avropa İdman Paytaxtları və Şəhərləri Federasiyasının nümayəndə heyəti Bakıdakı idman infrastrukturunu yüksək qiymətləndirdi. Məhz bundan sonra Avropa İdman Paytaxtları və Şəhərləri Federasiyası Bakını 2026-cı il üçün dünyanın "İdman paytaxtı" seçib.
Bakıya 2026-cı il üçün “Dünyanın İdman Paytaxtı” adı verilməsi məhs Sizin bədən tərbiyəsi və idmana diqqət və qayğınız ölkəmizdə ictimai sağlamlıq, kütləvi idmanın inkişafı və gənclərin aktiv həyat tərzinə təşviqi baxımından yeni imkanlar açır. Bu status Bakının idman şəhəri kimi turizm, beynəlxalq investisiya mühitinə də müsbət təsir göstərəcək.

Möhtərəm cənab Prezident, mən bütün idman ictimaiyyəti adından doğum gününüz münasibətilə Sizi təbrik edirəm. Sizə uğurlar arzulayırıq. Allah sizi və ailənizi qorusun.



Dərin hörmət və ehtiramla,

Dilqəm Quliyev,
pedaqogika üzrə elmlər doktoru,
professor.