43-cü Sumqayıt ikinci seçki dairəsindən Azərbaycan Respublikasının Milli Məclisinə deputat seçilmiş Tahir Mirkişili Sumqayıt şəhərində vətəndaş qəbulu keçirib.

Millixəbər.az-ın məlumatına görə Millət vəkili Tahir Mirkişili qəbul zamanı deputat müxtəlif müraciətlərlə üz tutan vətəndaşları dinləyib, onları maraqlandıran məsələlərlə bağlı müzakirələr aparıb.

Görüş çərçivəsində Tahir Mirkişili hər bir vətəndaşın müraciətini ayrı-ayrılıqda dinləyərək problemlərin həlli istiqamətində mümkün addımlar barədə məlumat verib.

Bəzi məsələlərin yerində araşdırılması üçün müvafiq qeydlər aparılıb, digər müraciətlər isə aidiyyəti dövlət qurumlarına yönləndirilməsi üçün nəzarətə götürülüb.

Deputat bildirib ki, seçicilərlə müntəzəm görüşlərin keçirilməsi onların problemlərinin daha yaxından öyrənilməsinə və operativ həll yollarının tapılmasına imkan yaradır. Onun sözlərinə görə, vətəndaş müraciətlərinin araşdırılması və qaldırılan məsələlərin həlli daim diqqət mərkəzində saxlanılır.

Qeyd edək ki, 43-cü Sumqayıt ikinci seçki dairəsi üzrə seçicilərlə görüşlər və vətəndaş qəbulları mütəmadi olaraq davam etdirilir.