Vardanyanın işdən çıxarılması Azərbaycanın qondarma Artsaxın blokadasına son qoyması üçün irəli sürdüyü əsas tələblərdən biri idi?
Ruben Vardanyan 2021-ci ilin iyununda Ermənistan vətəndaşlığını alıb. O, Ermənistana qayıtmaq qərarını 2020-ci il Dağlıq Qarabağ müharibəsindən sonra verdiyini bildirib. Keçmişdə Vardanyan Ermənistanda hər hansı dövlət vəzifəsini tutmaq niyyətini inkar edirdi; lakin ona potensial siyasi oyunçu kimi baxılırdı və şayiələrə görə, yeni yaradılmış “Yaşamaq üçün Ölkə” (Country of Living) siyasi partiyası ilə əlaqəsi var. 2021-ci ilin noyabrında Vardanyan müsahibə verərək Ermənistanda siyasi karyeraya başlamaq planlarından danışıb, həmçinin Ermənistanın prezidenti olmaq imkanını nəzərdən keçirib. 2022-ci ilin sentyabrında Vardanyan qondarma Artsax Respublikasına köçdüyünü bəyan etdi və artıq Rusiya vətəndaşı olmadığını bildirdi. Rusiyanın 2022-ci ildə Ukraynaya təcavüzündən sonra Vardanyanın adı ABŞ Konqresinin Nümayəndələr Palatasında fərdi sanksiyalar üçün hədəfə alınması tələb olunan qanun layihəsinə düşdü. Vardanyan Rusiya vətəndaşlığından imtinasının Rusiyaya qarşı beynəlxalq sanksiyalardan qaçmaq cəhdi olduğunu inkar edir. Onun sözlərinə görə, onun hərəkətləri böhran dönəmində millətinin yanında olmaq istəyindən irəli gəlir: “Bu gün Artsax xalqı çox ağır psixoloji vəziyyətdədir, gələcəyə inamı yoxdur. İki müharibədən sağ çıxan və müstəqillik uğrunda mübarizədə öz əzizlərini itirən respublika sakinləri özlərini tərk edilmiş hiss edirlər”. 2022-ci ilin oktyabrında Vardanyana qondarma Artsax prezidenti Arayik Arutyunyan tərəfindən açıq şəkildə “geniş səlahiyyətlərə” malik dövlət naziri vəzifəsi təklif edildi. Arutyunyan 2022-ci il noyabrın 4-də Vardanyanı dövlət naziri təyin etdi. Vardanyan 2022-ci ilin dekabrında rəsmi olaraq Artsax vətəndaşı ola bilməsi üçün Rusiya vətəndaşlığını ləğv etmək üçün ərizə yazdı. Vardanyan 2023-cü il fevralın 23-də dörd aydan az müddətdə dövlət naziri olduqdan sonra vəzifəsindən azad edilib. Vardanyanın işdən çıxarılması Azərbaycanın Artsaxın blokadasına son qoyması üçün irəli sürdüyü əsas tələblərdən biri idi. Bundan əvvəl Vardanyan Azərbaycanın bölgəni tərk etməsi ilə bağlı tələblərini rədd etmişdi...
Ruben Vardanyan haqqındakı bu materail “Wikipedia”nın ingilisdilli bölümündən bir parça olaraq götürülüb...
Mətndən aydın görünür ki, Rusiyanın adamı olan Ruben Vardanyan əslində Ermənistanda prezident olmaq iddiasında olub. Çünki rəsmi Moskva belə istəyirdi. Ancaq Rusiyanın Qərbin dəstək verdiyi Nikol Paşinyana gücü çatmadı. Belə olduqda Rusiya Vardanyanı Qarabağa göndərdi. Qarabağ ermənilərindən Vardanyan üçün siyasi tramplin düzəltmək istədi. Ancaq Vardanyan orada da bir iş görə bilmədi. Ona görə yox ki, o, son dərəcə bacarıqsız adamdır. O, siyasi liderə gərəkən bir çox keyfiyyətlərə malikdir. Sadəcə Rusiyanın Cənubi Qafqazdakı gücü həmin güc deyil. Həmin güc olsaydı tarix başqa cür yazılardı...

Elbəyi Həsənli - DİA.AZ