Yeni Azərbaycan Partiyasının (YAP) VIII Qurultayında partiyanın İdarə Heyətinin yeni tərkibi müəyyənləşib.
Milli Məclisin deputatı Pərvin Kərimzadə qurultayda yenidən YAP İdarə Heyətinin üzvü seçilib.

Pərvin Kərimzadə bu barədə özünün rəsmi “Facebook” səhifəsində paylaşım edib.
Deputat göstərilən etimadın onun üçün böyük şərəf və məsuliyyət olduğunu bildirib. O, YAP Sədri, Azərbaycan Respublikasının Prezidenti İlham Əliyevə təşəkkürünü ifadə edib.
“Bu gün Yeni Azərbaycan Partiyasının VIII Qurultayında yenidən İdarə Heyətinin üzvü seçilməyim mənim üçün böyük şərəf və məsuliyyətdir.
Mənə göstərilən bu etimada görə partiyamızın Sədri, Azərbaycan Respublikasının Prezidenti cənab İlham Əliyevə dərin minnətdarlığımı bildirirəm.
Yeni Azərbaycan Partiyasının İdarə Heyətində fəaliyyətimi bundan sonra da dövlətçiliyimizin möhkəmləndirilməsi, milli maraqlarımızın qorunması və partiyamızın müəyyən etdiyi məqsədlərin həyata keçirilməsinə töhfə vermək əzmi ilə davam etdirəcəyəm. Bu etimadı məsuliyyətlə doğrultmaq mənim üçün əsas vəzifə olacaq”, – deyə Pərvin Kərimzadə qeyd edib.

Millixeber.az