Qızılın məhdud olması onun etibarlı yatırım və təhlükəsiz liman kimi daim yüksək tələbat görməsinin əsas səbəblərindən biridir. 2025-ci ildə dünya iqtisadiyyatındakı qeyri-müəyyənliyə investorların reaksiyası nəticəsində qızıl son illərin ən güclü yüksəlişini göstərərək 50%-dən çox bahalaşıb.

İndiyə qədər təxminən 216 min ton qızıl hasil edilib, yerin altında isə təqribən 64 min ton qızıl ehtiyatı qalıb.

Əgər indiyədək hasil edilmiş bütün qızıl - təxminən 216 min tonu əridilərək bir yerə toplansaydı, hündürlüyü cəmi 22 metr, yəni təxminən dördmərtəbəli bina qədər olan bir kub yaranardı.


Dünyada iqtisadi cəhətdən səmərəli şəkildə hasil edilə bilən, geriyə qalmış təsdiqlənmiş qızıl ehtiyatlarının ümumi həcmi isə təxminən 64 min tondur. Bu miqdar hündürlüyü 15 metr olan daha kiçik kub təşkil edərdi.

İndiyədək hasil edilmiş qızılın təxminən 45%-i zərgərlik məmulatları, 22%-i isə külçə və sikkələr formasındadır.

Qızılın təxminən 17%-i mərkəzi bankların sərəncamındadır. Onlar qızıldan inflyasiya və geosiyasi qeyri-sabitliyə qarşı strateji qorunma vasitəsi kimi istifadə edirlər.

Qızıl, həmçinin texnologiya və digər sənaye sahələrində, xüsusilə elektronika və aerokosmik avadanlıqların istehsalında tətbiq olunur.



Tahir Mirkişili

Milli Məclisin İqtisadi siyasət, sənaye və sahibkarlıq komitəsi üzvü