Yeni Azərbaycan Partiyası (YAP) Quba rayon təşkilatında “Əvəzolunmaz şəxsiyyət” mövzusunda növbəti məşğələ keçirildi.
Məşğələdə Milli Məclisin deputatı, İqtisad elmləri doktoru, professor Əlibala Məhərrəmzadə, Yeni Azərbaycan Partiyası (YAP) Quba rayon təşkilatının sədri Fidan Hüseynova və rayonun fəal gəncləri iştirak etdilər.

Əvvəlcə Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.
Yeni Azərbaycan Partiyası (YAP) Quba rayon təşkilatının sədri Fidan Hüseynova giriş sözü ilə çıxış edərək məşğələlərin təşkilində əsas məqsəd Ulu Öndərin dövlətçilik siyasəti və azərbaycançılıq məfkurəsinin öyrənilməsi, onun zəngin irsinin tədqiqi və təbliği, gənclərin müvafiq biliklərinin zənginləşdirilməsi, ölkəmizin dövlət quruculuğu prosesində Ümummilli liderin rolunun və xidmətlərinin gənc nəslə çatdırılmasından ibarət olduğunu bildirdi.

Milli Məclisin deputatı Əlibala Məhərrəmzadə çıxış edərək bidirib ki, Heydər Əliyev dahi şəxsiyyət, uzaqgörən lider,cəsarətli insan idi. Azərbaycanın öz müstəqilliyini əldə etməsi, qüvvətlənməsi, dünya dövlətləri arasında seçilməsi məhz Ümummilli Lider Heydər Əliyevin uzaqgörən siyasəti nəticəsində mümkün olub. Ulu Öndər Azərbaycan xalqının yaddaşında həm böyük siyasətçi, həm dahi tarixi şəxsiyyət, həm də təcrübəli bir dövlət başçısı kimi qalıb. Heydər Əliyev millətinin tarixində dərin iz qoyub,xalqın, gələcəyini müəyyən etmiş şəxsiyyət olub. Ulu Öndər dövlətçiliyimizin daha da möhkəmləndirilməsi və tarixi ənənələrin bərpası, ölkədə demokratiyanın bərqərar olunması istiqamətində əhəmiyyətli və misilsiz işlər görüb. O,həyatı boyu həmişə xalqını düşünüb,qarşılaşdıqları çətinliklərdən xilas etmək üçün böyük fədakarlıqlar göstərib.
Vurğulanıb ki, Ümummilli lider Heydər Əliyev hər zaman Azərbaycan gənclərinə inandığını, dövlətimizin gələcək inkişafında onların üzərinə böyük məsuliyyət düşdüyünü qeyd edirdi.

Daha sonra Milli Məclisin deputatı gənclərin mövzu ilə bağlı suallarını cavablandırıb.
Sonda Əlibala Məhərrəmzadə tərəfindən Ulu öndər haqqında nəşr olunan kitablar məşğələ iştirakçılarına hədiyyə edildi.