Milli Məclisin deputatı Tahir Mirkişili Sumqayıt şəhərində növbəti vətəndaş qəbulunu keçirib.

Millixeber.az xəbər verir ki, qəbul zamanı şəhər sakinlərinin müraciətləri dinlənilib, onları maraqlandıran məsələlər ətrafında fikir mübadiləsi aparılıb və qaldırılan problemlərin həlli istiqamətində müvafiq müzakirələr keçirilib.
Tahir Mirkişili bildirib ki, vətəndaşlarla mütəmadi görüşlərin keçirilməsi onların müraciət və təkliflərinin birbaşa dinlənilməsi, mövcud problemlərin yerində öyrənilməsi və həlli yollarının müəyyənləşdirilməsi baxımından əhəmiyyətlidir.
“Sumqayıt şəhərində vətəndaşlarla növbəti görüşümüzü keçirdik. Onları maraqlandıran məsələləri dinləyərək həll yollarını müzakirə etdik”, – deyə deputat qeyd edib.
Qəbul zamanı səsləndirilən müraciətlərin aidiyyəti qurumlara yönləndirilməsi və onların həlli ilə bağlı müvafiq tədbirlərin görülməsi nəzərdə tutulub.