43-cü Sumqayıt 2-ci seçki dairəsindən Milli Məclisə deputat seçilmiş Tahir Mirkişili növbəti vətəndaş qəbulunu Sumqayıt şəhərində keçirib.

Deputat hər bir müraciəti diqqətlə dinləyərək problemlərin mahiyyətini araşdırıb və onların həlli istiqamətində mümkün addımları və mexanizmləri vətəndaşlarla birlikdə müzakirə edib.
Bəzi məsələlərin operativ həlli üçün yerindəcə aidiyyəti qurumlarla əlaqə saxlanılıb, digər müraciətlər isə əlavə araşdırma aparılması məqsədilə qeydiyyata götürülərək müvafiq dövlət orqanlarına yönləndirilib.
Tahir Mirkişili bildirib ki, vətəndaşların müraciətlərinə həssas yanaşmaq, onların problemlərinin həlli istiqamətində ardıcıl iş aparmaq deputat fəaliyyətinin əsas prioritetlərindəndir. O, bu cür görüşlərin vətəndaşlarla birbaşa ünsiyyətin gücləndirilməsi və mövcud problemlərin daha operativ şəkildə həll olunması baxımından mühüm əhəmiyyət daşıdığını vurğulayıb.
Deputat gələcəkdə də Sumqayıt sakinləri ilə mütəmadi görüşlərin davam etdiriləcəyini qeyd edib.