28 iyul 2026-cı il tarixdə Saray qəsəbəsində Qərbi Azərbaycan İcmasının Abşeron rayon nümayəndəliyinin təşkilatçılığı ilə Qarakilsə Rayon icmasının birgə tədbiri keçirildi.

Tədbirdə Qərbi Azərbaycan İcmasında keçirilmiş 2026-cı ilin birinci yarımilliyinin yekunlarına və qarşıda duran vəzifələrə həsr olunmuş hesabat iclasına aid məsələlər ətraflı müzakirə edildi.

Tədbirdə Qərbi Azərbaycan İcmasının Abşeron rayonu üzrə nümayəndəsi Bilman Vəliyev, Qarakilsə rayon icmasının sədri Nadir Qəhrəmanov, Abşeron rayon Ağsaqqallar Şurasının sədri Məhərrəm İbadov, Qadınlarla iş üzrə məsul şəxs İstək Bəxtiyarova və Abşeron rayonunda məskunlaşmış Qərbi Azərbaycanlılar iştirak etdilər.

Tədbir İştirakçıları İcmanın 2026-cı ilin birinci yarısında görülmüş işlərin hesabatı və Rayon icmaları, eləcə də nümayəndəliklər qarşısında duran vəzifələrin müzakirəsinə həsr olunmuş çıxışlar etdilər.

Çıxış edənlər 2026-cı ilin birinci yarımili ərzində İcmanın fəaliyyəti barədə hesabatı "yaxşı" qiymətləndirdilər, rayon icmaları və nümayəndəliklərin qarşısında duran əsas vəzifələr barədə ətraflı məlumatlar verdilər.

Çıxışlarda Rayon icmaları və nümayəndəliklərinin fəaliyyətini daha səmərəli əlaqələndirilməsi, maliyyə məsələlərinin həll yollarından bəhs edildi.

Çıxış edənlər təklif etdilər ki, könüllü ianə fondları yaradılsa Rayon icmaları və nümayəndəliklərin nüfuzu daha da yüksələr.

Sonra qeyd olundu ki, Rayon icmaları ilə nümayəndəliklər birgə işləyərsə, onların fəaliyyətinin səmərəliliyi daha da artar və bu çox əhəmiyyətli olar.